//
Belanda mambaka Jorong Tanjuang

Peristiwa Agresi II Sekutu Belanda mambaka Jorong Tanjuang
tgl 06 Mei 1949.

oleh: Rudy Indra

Tarimokasih sabalunnyo. Sasudah awak mambaco artikel sejarah Pandai Sikek di psikek.wordpress.com nan dibuek pak Adyan Anwar, tabukaklah carito dari urang gaek ambo nan manjadi sasi iduik kekejaman pasukan Yaker (sekutu) mambaka rumah2 di Tanjuang dan Pagu” hari Jumat tgl 06 Mei 1949 (Agresi Militer II)…

Pagi pagi sudah mato ari tabik (kiro2 jam 7.00), diam2 rombongan tantara yaker mulai masuak ka kampuang, bajalan maandok andok dari Koto Tinggi taruih ka Lurahan Pisang masuak Tanjuang di Taha. Bangunan yang paliang dulu dibaka pondok kilangan haji Sa a (ayahanda bpk Asril As ‘Pustaka As’ pekanbaru), taruih ka Balai Tanjuang, baru kamudian mambaka di Koto Gantiang dan Kapalo kampuang. Banyak nan lari ka Sumue, palak batuang di bawah Surau Gadang Tanjuang, tamasuak sasi (Hj Yusnar), inyiak ambo (alm. inyiak Dayang), jo (alm) inyiak Nurani bini anduang Marakin Malin Pamenan Baruah. Dek sangaik katakuikan inyiak Dayang sampai abang (azan) bagai. Pasukan itu mambaka kurang labiah 2 jam. Sabaouk manjalang tangah hari tantara yaser tu lah ilang dan Tuan Abuih anak Amai Pelam nan maimbau urang kampuang kalua dari pasambuniannyo.

Total kebakaran sekitar 170 rumah, marato rumah gonjoang punyo pasukuan. Yang mati surang namonyo Anduang Intang Koto Gantiang yang ditangkok di Ikue Tanjuang dan diirik ka Koto Gantiang. Matinyo dek di tungok an ka dalam api nan sadang garang. Identitasnyo dikatahui dari caweknyo. Keluarga jo urang kampuang mamandian maiknyo di Pincuran Kandang,… Nauzubillah binzalik.. jan tajadi lai..

Bantuan :

Ado surang nan bajaso manolong urang kampuang yang indak mampu mambuek rumah, namonyo Mak St. Rangkayo Bungsu (mamak si Guru). Baliau punyo pondok kilangan nan gadang di Kandang Baru dan mambulihan urang kampuang maungsi ka pondoknyo. Ado kurang labiah 30 urang nan maunsi di sinan. Kiro2 sabulan kudian tibo bantuan dari Ulando dalam bantuak kain hitam tapi harus bajapuik pulo ka pasa Koto Baru..

sumber :
Hj. Yusnar (72), Duri Riau.
St. Rajo Bujang (73), Ilie Balai Tanjuang (abak ambo) via hp.

Discussion

No comments yet.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Video

Photo Pemandangan

Minangkabau scenery

Two players

Behind the grass

Sungai Tanang

More Photos

Stats

  • 59,528 hits

Pengunjung

Twitt Box

%d bloggers like this: