//
you're reading...
Adat, Budaya

Adaik Pangulu dan Pemimpin

Adaik Pangulu/Pemimpin

Niniek mamak di Minangkabau
Nan badeta panjang bakaruik
Bayangan isi dalam kuliek
Panjang tak dapek kito ukue
Leba tak dapek kito belai
Kok panjangnyo pandindiang korong
Leba pandukuang anak kamanakan
Hamparan di rumah tanggo
Paraok gonjong nan ampek
Tiok liku aka manjala
Tiok katuak ba undang undang
Dalam karuik budi marangkak
Tambuak dek paham tiok lipek
Manjala masuak nagari.
Babaju hitam gadang langan
Langan tasenseng tak pambangih
Pangipeh angek naknyo dingin
Pambuang nan bungkuak sarueh
Siba batanti timba baliek
Gadang barapik jo nan ketek
Tando rang gadang bapangiriang
Tatutuik jahit pangka langan
Tando membuhue tak mambuku
Tando mauleh tak mangasan
Lauik tatampuah tak berombak
Padang ditampuah tak barangin
Takilek ikan dalam aie
Lah jaleh jantan batinonyo
Lihienyo lapeh tak bakatuak
Tando pangulu padangnyo lapang alamnyo leba
Indak basaku kiri jo kanan
Tandonyo indak pangguntiang dalam lipatan
Indak panuhuak kawan seiriang
Basarawa hitam ketek kaki
kapanuruik alue nan luruih
panampuah jalan nan pasa
ka dalam korong jo kampuang
sarato koto jo nagari
Langkah salasai baukuran
martabat nan anam membatasi
murah jo maha ditampeknyo
ba ijo mako bakato
ba tolam mako bajalan
Sarung sabidang ateh lutuik
patuik senteng tak bulieh dalam patuik dalam tak bulieh senteng
karajo hati kasamonyo

mungkin jo patuik baukuran
murah jo maha ditampeknyo
Sanjatonyo karih kabasaran
samping jo cawek nan tampeknyo
sisiknyo tanaman tabu
lataknyo condong ka kida
dikesong mako dicabuik
Gembonyo tumpuan puntiang
Tunangannyo ulu kayu kamat
bamato baliak batimba
tajamnyo bukan alang kapalang
tajamnyo pantang melukoi
mamutuih rambuik diambuihkan
Ipuahnyo turun dari langit
bisonyo pantang katawaran ka palawan dayo rang aluih
ka palunak musuh di badan
bagai papatah gurindam adat
Karih sampono Ganjo Erah
lahie bathin pamaga diri
Kok patah lidah bakeh Allah
patah karih bakeh mati
Pamenannyo tungkek kayu kamat
ujuang tanduk kapalo perak
panungkek adat jo pusako
Gantang nak tagak jo lanjuangnyo
sumpik nan tagak jo isinyo
Falsafah pakaian rang penghulu
Di dalam luhak ranah Minang
Kalau ambalau meratak ulu
Puntiang tangga mato tabuang
Kayu kuliek mengandung aie
Lapuknyo sampai kapanguba
Binaso tareh nan di dalam
Kalau penghulu berpaham caie
Jadi sampik alam nan leba
Dunia akhirat badan tabanam
Elok nagari dek pangulu
Rancak tapian dek nan mudo
Kalau kito mamacik ulu
Pandai menjago puntiang jo mato
Petitih pamenan andai
Gurindam pamenan kato
Jadi pangulu kalau tak pandai
Caia nagari kampung binaso
Adat ampek nagari ampek
Undangnyo ampek kito pakai

Discussion

No comments yet.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Video

Photo Pemandangan

Minangkabau scenery

Two players

Behind the grass

Sungai Tanang

More Photos

Stats

  • 59,528 hits

Pengunjung

Twitt Box

%d bloggers like this: